Viga sjøhus

Viga Sjøhus

Eit minnesmerke om ei 100-årig fiskerihistorie på Hundsnes i Hjelmeland.

Det var Mikal Endresson Viga, f. 1874, som la grunnlaget for at Hundsnes vart det fiskerisenteret som det vart. Hans barn, m.a eldste sonen Mikal Malenius Viga jr, og barnebarn som førte verksemda vidare, fram til ein i 1990-åra gjekk over til oppdrett og slakting/foredling av laks, kveite og torsk. Mikal jr. sette elles i 1950 verdas største sildesteng. Begge Mikal’ane bar heidersnemninga brislingkongar.

Eigarar av Viga Sjøhus i dag er Kirsten/Trygve Mikal Viga, Morten Hauge Viga og Margit Viga, med førstenemnde som ansvarlig for museumsinnhald og drift.

Viga sjøhus - Eit levande museum

Viga Sjøhus har ei stor samling gjenstandar fra den rike fiskerihistoria på Hjelmeland. Det vert med jamne mellomrom arrangert kulturkveldar med foredrag om fiskeri- og litteraturhistorie, m.a. Jakob Sande.